ugartemendia.com

Harriduraz irakurri dut honako albistea Le Monden. » Gehiago »

Zabildu

Gaur goizean berandu jeiki naiz. Gustora ez nengoen ohean, ba… ia-ia bi orduz berandu altxa bainaiz. Iratzargailua pilarik gabe gelditu da eta hor dago, greban. Lanera azkarrago iristeko autoa hartu eta autobidean sartu naiz. Peajera iristerakoan, hara non, nere tramankulua ezin irakurrita, langa ez da altxatzen inolaz ere. Lauzpabost kotxe ditu atzean dagoeneko, haserre bizian eta pita eta pita. Denak atzera egin dute eta bide “manual”etik sartu naiz. Bertako langileak, lanerako gogo gutxi eta bertan idatzita dagoen zenbakia ez duela ikusten dio. Hartu eta neronek ohikatu diot kotxe barrutik: lau-bost-hiru-bost, zortzi-zero-lau-lau,… » Gehiago »

Zabildu

Egia da, mundu digital berrian pribatasuna iraganeko kontua da. Guru bati baino gehiagori entzun egin diet web munduko zerbitzu guztiak jo ta ke erabili behar ditugula pribatasunaz arduratu gabe. » Gehiago »

Zabildu

Egungo gizarte ultrakonpetitibo honetan, teknologiak paper haundia jokatzen du kirol arloan. Zeinek ez du gogoratzen Laurent Fignonek Tourra azkeneko erlojuaren kontrako etapan galdu zueneko eguna, Greg Lemond-en eskuetan. Izan ere, Lemondek garai hartan soilik triatloi munduan erabiltzen ziren txirrinda erabili zuen eta azken sailkapenean lortutako zortzi segundutako abantaila baino gehiago txirrindari esker lortu zituela badakigu egun.

Ingelesez, bada ere, kirola egin eta teknologia atsegin dugunontzat oso web orrialde interesgarria aurki daiteke hemen. Bertan merkatuan triatloi inguruan dauden teknoproduktu guztien azterketa sakonak aurki daitezke. Gomendagarria guztiz.

Nik neuk aspaldi honetan GPS pultsometroarekin ibiltzen naiz, bai entrenemenduetan zein lasterketetan. Igerilari kaxkarra izanik, txanoan sartu ohi dut gps-a geroxeago ibilbidea aztertu ahal izateko. Eta hala nola Gipuzkoa zein estatu mailan ospe handia duten bi triatloietan aurten gertatutakoa igeriketa zatian:

- Zarauzko triatolian, igeriketan 2.500 metro iragartzen dute, sektorea bukatzeko ordubeteko gehienezko denborarekin.

- Donostiako Onditz triatloian 1.500 metroko distantzia olinpikoa egin behar da, 50 minutuko gehienezko denborarekin.

Bi triatloi hauetako nere gps aztarnak jaso nituen. Itsaso irekian zuzen-zuzen igeri egitea ezinezkoa bada ere, google earth-en ariketa erraza egin dut: buiak non zeuden zehaztu eta gutxienezko distantzia zein izan zen zehaztu. Zer esanik ez, egindako distantzia kopurua luzeago izan ohi da.

ZARAUTZ: 2.825 metro (marea gora zegoelako)

DONOSTIA: 1.825 metro (buiak gaizki ipini zirelako)

Zarautzen 21 lagun inguru gelditu ginen aurrera egin ezinean eta Donostian badakit bakan batzuei beste horrenbeste gertatu zitzaiela. Eta hona hemen nere ustea: igeriketan denbora muga-mugan ibiltzen garenok parte hartzeko izena eman baino lehen muga hori gainditzeko aukerak zertan diren aztertzeko saioak egiten ditugu. Distantzia ezarritako denboran egiteko gai izanez gero, aurrera motel!

Eta antolatzaileek distantzia lasterketa egunean “luzatzen” badigute, nola izan daitezke horren zorrotz mugak betetzeko orduan?

Horren garatua dagoen teknologia pittin bat beharrezkoa dute, zinez. Alde batetik buiak toki egokian ipintzeko (Onditz) eta beste aldetik distantziak ondo neurtu ahal izateko (Zarautz) Bitartean, nekez ikusiko naute hain ospe haundia duten bi proba hauetan.

Zabildu